Казакстанда концерт учурунда фонограмма колдонууга тыюу салынды

Казакстандын президенти 200дөн ашык көрүүчү катышкан концерттик иш-чараларда фонограмма колдонууга тыюу салган жарлыкка кол койду. Бул тууралуу казак басылмалары жазышууда.

Жарлыкка ылайык, фонограмма колдонууга эки учурда гана уруксат берилет: тележазуулар учурунда, ошондой эле техникалык жактан концерт өткөрүүгө ылайыкташпаган жана мындай иш-чаралар үчүн каралбаган жайларда гана.

Жаңы норма коомчулукта ар кандай пикирлерди жаратып, айрымдар муну жандуу аткаруунун сапатын жогорулатууга багытталган туура кадам катары бааласа, башкалары шоу-индустрия үчүн кошумча талап болорун белгилешүүдө.

Автор: Айзада Кыдырмышева