Айыл чарба министрлиги дыйкан, фермерлерге кайрылды

Суу ресурстары, айыл чарба жана кайра иштетүү өнөр жайы министрлиги дыйкан-фермерлерге кайрылып, быйыл суу тартыштыгы байкалышы мүмкүндүгүн эскертти.

Мекеме тактагандай, климаттын өзгөрүшү жана жаан-чачындын азайышына байланыштуу, ушул жылы вегетациялык мезгилде суу тартыштыгы байкалышы мүмкүн. Ушул себептен сугат суусунун көлөмү чектелүү болуп, айрым аймактарда суунун жетишсиздиги күтүлүүдө.

Министрлик дыйкан-фермерлерди төмөнкүдөй чараларды көбүрөөк колдонууга чакырат:

Сууну үнөмдөөчү технологияларды (тамчылатып жана жамгырлатып сугаруу) кеңири пайдалануу;
Сууну аз талап кылган айыл чарба өсүмдүктөрүн өстүрүүгө өтүү;
Кургакчылыкка чыдамдуу үрөндөрдү себүү.

Суу менен камсыздоо маселелери боюнча райондук агрардык өнүктүрүү башкармалыктарына же министрликтин тиешелүү адистерине кайрылууга болот. Министрлик дыйкан-фермерлерди учурдагы кырдаалды түшүнүүгө жана сууну үнөмдөөчү ыкмаларды колдонууга өз үлүшүн кошууга чакырды.

Автор: Айжанар Рыспек кызы
Фото: интернеттен алынды