Өндүрүүчүлөрдүн кеңейтилген жоопкерчилиги боюнча утилизациялык төлөм иштей баштады

2025-жылдын 1-январынан тартып өлкөдө Өндүрүүчүлөрдүн кеңейтилген жоопкерчилиги системинин алкагында утилизациялык төлөмдү төлөө милдети күчүнө кирди. Бул тууралуу 20-январда Жаратылыш ресурстары, экология жана техникалык көзөмөл министрлиги маалымдайт.

Маалыматка ылайык, бул өндүрүүчүлөрдү жана импорттоочуларды товарлар менен таңгактар колдонулгандан кийин аларды кайра иштетүүгө жоопкер кылган мамлекеттик механизм.

Министрлер кабинетинин 2024-жылдын 19-июнундагы №322 токтому менен ӨКЖ системине кирген 24 товардык топтун тизмеси бекитилген. Ага аккумуляторлор, автошиналар, майлоочу майлар, пластик жана картон таңгактар, тиричилик техникалары жана башка товарлар кирет. ӨКЖ төлөөчүлөр:

импорттоочулар товарлар өлкө аймагына киргизилгенден кийин 15 күндүн ичинде;

өндүрүүчүлөр ар квартал сайын, отчёттук мезгилден кийинки айдын 15-күнүнө чейин төлөөгө милдеттүү.

Утилизациялык төлөмдөн түшкөн каражаттар таштандыларды кайра иштетүү инфраструктурасын өнүктүрүүгө жана экологиялык таза технологияларды киргизүүгө багытталат.

Автор: Меерим Кабылова