Кара-Сууда көп кабаттуу турак үйдүн курулушу текшерилип, эскертүү берилди

Ош облусунун Кара-Суу районунун Датка айыл аймагындагы 12 кабаттуу турак жайдын курулушунда бир катар техникалык коопсуздук эрежелеринин сакталбагандыгы аныкталды. Бул тууралуу бүгүн, 20-январда Курулуш министрлигинен билдиришти.

Маалыматка ылайык, курулуш иштерин жүргүзгөн “Business House KG” ЖЧКсына карата аныкталган кемчиликтерди жоюу боюнча атайын мөөнөт коюлуп, жазуу түрүндө эскертүү берилди. Ошондой эле министрлик тарабынан облустун алыскы аймактарында жайгашкан социалдык объекттердеги курулуштун сапаты да текшерилүүдө.

Автор: Меерим Кабылова
Фото: Курулуш министрлиги