Шашылыш билдирүү! Ашууларда кар көчкү түшүүсү күтүлүүдө

Кыргызстандын тоолуу райондорунда 21-январынан 24-январына чейин күтүлүп жаткан жаан-чачынга байланыштуу кар көчкү түшүүсү күтүлүүдө. Бул тууралуу 21-январда Өзгөчө кырдаалдар министрлигинен билдиришти.

Берилген маалыматка ылайык, төмөнкү ашууларда кар көчкү түшүүсү мүмкүн:

Бишкек - Ош унаа жолундагы Төө-Ашуу, Ала-Бел ашуусу, Чычкан капчыгайы;
Ала-Бука - Каныш-Кыя унаа жолундагы Чапчыма ашуусу, Красная-Горка - Ак-Таш унаа жолунун 0-3 чакырымдары;
Мырзаке - Кара-Кулжа - Алайкуу унаа жолунун 65-110 чакырымдары;
Каракол - Эңилчек унаа жолунун 45-90-чакырымдарында Чоң-Ашуу ашуусу;
Балыкчы - Казарман - Жалал-Абад унаа жолундагы Көк-Арт ашуусу.

ӨКМ унаалардын ортосундагы 500 метр аралык кыймыл чектелиши зарыл экендигин эскертет.

Автор: Меерим Кабылова