Борбордо дем алыш күндөрү азык-түлүк жарманкеси өтөт. Даректери

Бишкек шаарында дем алыш күндөрү азык-түлүк жарманкеси уюштурулат. Бул тууралуу Айыл чарба министрлиги кабарлады.

Маалыматка ылайык, ушул жылдын июнь айына чейин өлкөнүн бардык аймактарында жергиликтүү өндүрүүчүлөрдүн, дыйкандардын жана кол өнөрчүлөрдүн жарманкеси уланат.

Жарманкелер ички рынокту туруктуу камсыздоону улантуу жана жарандарга сапаттуу азыктарды жеткиликтүү баада сунуштоо максатында уюштурулууда.

Бишкек шаарындагы жарманке өтүүчү жайлар:

Турдакун Усубалиев атындагы аянт;

Исхак Раззаков жана Абдумомунов көчөлөрүнүн кесилишиндеги аймак;

Эркиндик бульвары.

Автор: Бурул Турусбекова