Япониянын батыш жээгиндеги Исикава префектурасында калың жааган кардан улам 13 адам жабыркады. Бул тууралуу 25-январда дүйнөлүк басылмалар жазышты.
Маалым болгондой, префектуранын административдик борбору - Канадзава шаарында акыркы 24 саатта жааган кардын калыңдыгы болжол менен 50 сантиметрди түздү.
Акыркы сутка ичинде префектурада жолдордо тайгалануунун кесепетинен 32 жол кырсыгы катталып, анын кесепетинен тогуз адам жабыркаган. Дагы 4 адам жолдо кулап, жаракат алган.