АКШда 31-январга караган түнү федералдык өкмөттүн иши убактылуу каржылоонун мөөнөтү аяктаганына байланыштуу жарым-жартылай токтотулду. Бул тууралуу NPR радиосу кабарлады. Кризисти кийинки жумада жөнгө салууга мүмкүн экени айтылууда.
Сенат Каржы министрлигин, Мамлекеттик департаментти, Эмгек министрлигин жана Пентагонду — сентябрдын аягына чейин каржылоону караган негизги мыйзам долбоорлорунун пакетин жактырды. Ички коопсуздук министрлигине байланыштуу мыйзам долбоорлору демократтардын демилгеси менен пакеттен чыгарылган.
Конгресстин төмөнкү палатасы документтерди 2-февралда карап чыгат. Эгерде алар тез арада кабыл алынып, президент Дональд Трамп кол койсо, шатдаун ошол эле күнү аяктайт. Бул учурдагы каржы жылындагы экинчи шатдаун болуп саналат. Мындан мурунку узактыгы боюнча рекорддук шатдаун 43 күн болуп, 2025-жылдын ноябрында катталган.
