Ленин районунда оор турмуштук кырдаалда турган балдар үчүн "Ала-Тоо" аянтындагы муз тебүүчү аянтчада майрамдык иш-чара өттү. Ага 100 бала катышып, иш-чара Бишкек шаарынын мэриясынын өнөктөштөрү – "Түндүк жарыгы" командасы менен биргеликте уюштурулду.
Мэриядан билдиришкендей, балдар муз аянтчасында эс алып, аларга компот жана пицца таратылды. Майрамдын максаты – балдардын ден соолугун чыңдоо, спортко кызыктыруу жана достукту бекемдөө.
Коопсуздукту медицина кызматкерлери, инспекторлор жана педагогдор камсыз кылды. Иш-чара улантылып, башка райондордон келген балдар да катышары айтылды.
