Чүйдө жасалма айдоочулук күбөлүк менен жүргөн айдоочу кармалды

Чүй облусунда жасалма айдоочулук күбөлүк менен жүргөн айдоочу кармалды. Бул тууралуу бүгүн, 11-февралда облустук милициядан билдиришти.

Маалым болгондой, облустук Жол кыймылынын коопсуздугун камсыздоо башкармалыгынын инспектору кызмат өтөө учурунда KIA Optima үлгүсүндөгү унааны токтотуп, аны 1995-жылы туулган Х.Ш. аттуу жаран айдап бара жаткандыгы аныкталды. Экспертизанын корутундусуна ылайык, анын айдоочулук күбөлүгү жасалма деп табылды.

Бул факт боюнча Кылмыш-жаза кодексинин 379-беренеси (Документтердин жасалмалоо жасоо) менен кылмыш иши козголду. Ал эми 1995-жылы туулган Х.Ш. аттуу жаран кармалып, убактылуу кармоочу жайга киргизилди. Тергөө улантылууда.

Автор: Замира Ниязбекова