Ош шаарында өспүрүмдү тоноп, акча талап кылган жаран кармалды

Ош шаарында жашы жете электерге карата зомбулук көрсөтүп, аларды тоноп жүргөн 2004-жылы туулган М.Б. аттуу жергиликтүү тургун кармалды. Бул тууралуу шаардык милициядан билдиришти.

Маалым болгондой, ал мектептердин биринин алдында 8-классынын окуучусунун уюлдук телефонун коркутуп тартып алган. Жана анын дарегин тактап, акча талап кыла баштаган. Жабырлануучудан шектүү 2000 сом алып жаткан учурда милиция кызматкерлери тарабынан кармалды.

Шектүү М.Б. мурда 4 жолу кылмыш жоопкерчилигине тартылган. Тергөө уланууда.

Автор: Замира Ниязбекова