Кадамжайда айыл чарба курулуштары мамлекетке кайтарылды

Баткендин Кадамжай районунун Молдо-Нияз айыл аймагындагы айыл чарба имараты жана башка кошумча курулуштар мамлекетке кайтарылып алынды. Бул тууралуу 11-февралда УКМКдан билдиришти.

Маалыматка ылайык, 2000-жылдары жалпы аянты 0,86 гектарды түзгөн жер тилкесин жана анын ичинде айыл чарба өсүмдүктөрүн сактоо үчүн курулган кампалары менен кошо, мыйзам талаптарына каршы келип, жеке тарапка тиешелүү иш-кагаздарсыз чыгарылып алынган.

Жүргүзүлгөн тергөө иш-чаралардын натыйжасында, мыйзам бузуулар жоюлуп, айыл чарба имараты кошумча курулуштары менен жалпы аянты 0,86 гектар жер тилкеси мамлекеттин балансына кайтарылды.

Автор: Меерим Кабылова