Ош шаарынын мэри Жеңишбек Токторбаев белекке берилген унааны мэриянын балансына өткөрдү. Бул тууралуу бүгүн, 11-февралда шаар мэриясынын маалыматтык камсыздоо бөлүмүнөн билдиришти.
Маалыматка ылайык, калаа башчысына Жалал-Абад элинен Toyota Land Cruiser 300 үлгүсүндөгү унаа белекке берилди.
"Кызмат - элге таандык, демек, белек да шаар элинин кызыкчылыгы үчүн кызмат кылышы керек. Унаа мындан ары шаардык кызматтардын ишин натыйжалуу уюштурууга пайдаланылат",- деп билдирген мэр.