Ирандын чек арасынан АКШнын учкучсуз учуучу учагы байкалган

Кечээ, 11-февралда Ирандын чек арасына жакын жерде АКШнын деңиз флотунун чалгын учагы жана чалгындоочу учкучсуз учагы байкалган. Бул тууралуу Орусиянын РИА Новости басылмасы жазды.

Андагы маалымат боюнча, учак Бахрейнден чыгып, Ирандагы Ормуз аралын айланып өткөн. Андан кийин учак Бириккен Араб Эмираттарынын Абу-Даби шаарынан учуп, Оман булуңунун үстүнөн учкан. Ал эми аталган учак тууралуу АКШ бийлиги комментарий берген эмес.

Январдын аягында АКШ президенти Дональд Трамп Иранга Венесуэланын жээктериндеги кемелерден да чоңураак флот жөнөтөрүн жарыялаган.

Автор: Бурул Турусбекова