Кемин шаарындагы таштанды полигону жабылат (видео)

Кемин шаарындагы таштанды полигону жабылат. Бул тууралуу Кемин райондук администрациясынан билдиришти.

Маалыматка ылайык, текшерүүнүн жүрүшүндө аким Канболот Тутуев таштанды полигонунун санитардык жана экологиялык талаптарга жооп бербеген жагдайларын белгилеп, айлана-чөйрөгө терс таасирин азайтуу зарылдыгын билдирген.

"Жыйынтыгында полигонду жабуу, аймакты рекультивациялоо жана жаңы, талаптарга жооп берген жайды ачуу боюнча тиешелүү кызматтарга конкреттүү тапшырмалар берилди. Экологиялык коопсуздук жана шаар тургундарынын ден соолугу башкы артыкчылык экени баса белгиленди",- деп айтылат маалыматта.