Бишкекте уурулукка шектелип 2 аял кармалды

Бишкекте уурулукка шектелип 40 жана 32 жаштагы аял кишилер кармалышты. Бул тууралуу Октябрь райондук милициясы билдирди.

Маалыматка ылайык, алар калаанын 6-кичирайонунда жайгашкан батирге киришип, 120 миң сом, 150 евро, ошондой эле алтын буюмдарды, тагыраагы, шакек, нике шакеги, сөйкө жана чынжырчаны уурдап кетишкен.

Аталган факт боюнча Кылмыш-жаза кодексинин 205-беренеси (Уурдоо) менен кылмыш иши козголгон. Шектүүлөр убактылуу кармоочу жайга киргизилген. Учурда алардын ушул сыяктуу башка кылмыштарга да тиешеси бар же жок экендиги аныкталууда.

Автор: Кылымбек Бейшеев
Фото: Октябрь РИИБ