Өлкөдө жарактуулук мөөнөтү 2 жыл мурун бүткөн 11 тонна азык аныкталды (видео)

Мамлекеттик салык кызматы тарабынан өткөрүлгөн рейд учурунда жарактуулук мөөнөтү 2 жыл мурун бүткөн кондитердик азыктар ташылып бара жаткан жүк ташуучу унаалар аныкталды.

Мекеменин басма сөз кызматы билдиргендей, текшерүүдө 4179 куту кондитердик азык аныкталып, алардын жалпы салмагы 11 тонна болсо да, документтерде 7 тонна деп көрсөтүлгөн. Бул факт салык кызматкерлери тарабынан каттоого алынды.

Мындан тышкары, суукка каршы кошулмалар, гидроизоляциялык материалдар, боёктор жана башкалар табылды. Бардык кармалган жүк ташуучу унааларга пломба басылып, убактылуу токтотуучу жайга жайгаштырылды.

Тергөө иштерин укук коргоо кызматкерлери жүргүзүшөт.