Ошто коңшу өлкөнүн жараны синтетикалык баңгизат менен кармалды

Ош шаарында коңшу өлкөнүн жараны синтетикалык баңгизат менен кармалды. Бул тууралуу 27-февралда ИИМдин Баңгизаттарды мыйзамсыз жүгүртүүгө каршы күрөшүү кызматы билдирди.

Маалыматка ылайык, жүргүзүлгөн атайын операциянын натыйжасында 1 килограммдан ашык синтетикалык баңгизатты өзүнүн күрөң түстөгү сумкасына катып бара жаткан учурда коңшу өлкөнүн 2006-жылы туулган Л.Я.Д. аттуу жараны кармалган.

Аталган факт боюнча Кылмыш-жаза кодексинин 282-беренеси (Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо) менен кылмыш иши козголду.

Алынган баңгизаттар боюнча соттук-химиялык экспертизалар дайындалды. Азыркы убакта аталган кылмышка тиешеси бар башка жарандарды аныктоо боюнча тергөө иштери жүргүзүлүүдө.