Бишкектеги көчөдө жаранды сабап кеткен шектүүлөр кармалышты (видео)

Бишкек шаарынын Свердлов районунда ден соолукка оор залал келтирүүгө шектүү үч жаран кармалды. Бул боюнча 28-февралда райондук милиция кабарлады.

«102» кызматына 12-февралда Шаардык клиникалык ооруканасынан эркек киши башынан жаракат алып комага түшкөнү тууралуу маалымат түшкөн.

Текшерүүдө Т.М., аттуу жаран Бишкектеги Курманжан датка көчөсүндө оозеки чыр-чатактын жүрүшүндө белгисиз адамдар тарабынан сабалганы аныкталган.

Аталган факты боюнча Кылмыш-жаза кодексинин 130-беренесине (Ден соолукка оор залал келтирүү) ылайык кылмыш иши козголгон. Шектүү катары 35 жаштагы үч жаран кармалып, убактылуу кармоочу жайга киргизилди.

Тергөө амалдары улантылууда.