Үзүр Жусупбеков Албаниядагы турнирде коло байге утту

Албаниянын Тирана шаарында өтүп жаткан эл аралык рейтингдик турнирде Үзүр Жусупбеков коло медаль тагынды. Бул тууралуу Дене тарбия жана спорт мамлекеттик агенттиги билдирди.

Маалым болгондой, Жусупбеков алгачкы кармашта түркмөнстандык Аманберды Агамаммедовду 9:0 эсебинде жеңген. Чейрек финалда орусиялык Артур Саргсянга утулганы менен, көңүл жубатуучу беттештерде ийгилик жаратып, азербайжандык Махаммад Ахмадиевди 8:2, ал эми коло үчүн ирандык Амирреза Морадиянды 4:2 эсебинде утуп, байгелүү орунду камсыздады.

Автор: Айзада Кыдырмышева
Фото: Дене тарбия жана спорт мамлекеттик агенттиги