Араванда 5 жумушту бир учурда аткарган техника менен картошка эгилүүдө (видео)

Ош облусунун Араван районундагы “Бирлик” үрөн чарбасы 5 жумушту бир учурда аткарган техника менен картошка эгүүдө. Бул тууралуу 9-мартта Айыл чарба министрлигинен билдиришти.

Маалыматка ылайык, бул техника дыйкандардын ишин жеңилдетип, талаа иштерин натыйжалуу жана ыкчам жүргүзүүгө мүмкүнчүлүк түзөт. Жаңы техниканын негизги өзгөчөлүктөрү:

Отоо чөптөргө каршы дары чачып, түшүмдүн сапатын жогорулатат;
Картошканы 90 сантиметр аралыкта бир нече жөөктөргө эгет, эффективдүүлүктү жогорулатат;
Тамчылатып сугаруу системине ылайык шлангды орнотот, суунун үнөмдөлүшүн камсыздайт;
Жер семирткичти себет аркылуу чачып, топурактын жакшыртылышына көмөк көрсөтөт;
Полиэтилен пленкасын жаап, топуракты коргойт жана нымдуулукту сактайт.

Министрлик быйыл техника өзүнүн натыйжалуулугун көрсөткөн болсо, келерки жылы башка дыйкандарга да сунушталарын белгиледи.