Республикада 80 миңден ашык ипотекалык батир курулуп жатат (видео)

Өлкө боюнча учурда 80 миңден ашык ипотекалык батир курулуп жатат. Бул тууралуу Мамлекеттик ипотекалык компаниянын төрагасынын биринчи орун басары Нургазы Атканов "Биринчи радиого" маек берип жатып айтты.

Анын айтымында, бул жылы Бишкек шаарында 23 миңге жакын батир курулууда.

"Учурда Мамлекеттик ипотекалык компания тарабынан 80 миңден ашык батир курулуп жатат. Анын ичинде Бишкек шаарына 22 996 батир, Чүй облусуна 22 440 батир, Жалал-Абад облусуна 12 900, Ысык-Көлгө 9317, Нарынга 569 батир, Талас облусуна 814, Ош облусуна 7402 жана Баткен облусуна 4116 батир салынууда",- деди Атканов.