Бишкекте 16 жашка чейинки футболчулар арасында өткөн "Таланттар Кубогу" жыйынтыкталды

20-24-март күндөрү Бишкек шаарында 16 жашка чейинкилер арасында "Таланттар Кубогу" болуп өттү.

Кыргыз футбол биримдиги билдиргендей, эл аралык турнирге Кыргызстан, Казакстан, Өзбекстан жана Тажикстандын өспүрүмдөр курама командалары катышты.

"Жобого ылайык, турнир айлампа системи боюнча бир айлампада өткөрүлдү. Кубоктун ээси эң көп упайдын негизинде аныкталды. Турнирдин жыйынтыгында Кыргызстан курамасы турнирдик жадыбалда 2-орунда жайгашты. Ал эми 1-орунду 6 упай менен Казакстан ээледи. Тажикстан 3-орунда алса, Өзбекстан курамасы 2 упай менен акыркы орунда жайгашты",- деп белгиленет маалыматта.

Автор: Замира Ниязбекова