Кызды сабап жатканы тартылган видео... Шектүүлөр кармалышты

Интернет желесине бир кыздын сабалып жатканы тартылган видео тарады.

Бишкек шаарынын Свердлов райондук милициясы окуянын катышуучуларын тапты. Жабырлануучуну сабап жаткан кыз 17 жашта, ал эми анын жанында 19 жана 21 жаштагы шериктери болгон.

Тергөө кызматына кыздар ата-энелери менен жеткирилип, 2007-жылы туулган Ж.К. аттуу жаранга Укук бузуулар жөнүндө кодекстин 126-беренеси (Майда бейбаштык) боюнча протокол түзүлүп, убактылуу кармоочу жайга киргизилди. Ошондой эле дагы экөөнүн ата-энелерине Укук бузуулар кодексинин 102-беренеси (Ата-энелик милдеттерден баш тартуу) боюнча протокол түзүлдү.