Кронштадтская көчөсүнүн бир бөлүгү убактылуу жабылат

Бишкек шаарында 28-марттан тартып Кронштадтская көчөсүнүн Фучик көчөсү менен Месароша көчөсү аралыгы оңдоп-түзөө иштерине байланыштуу убактылуу жабылат. Бул тууралуу шаардык мэриядан билдиришти.

Маалыматка ылайык, аталган тилкеде жол катмарын реабилитациялоо иштери жүргүзүлөт. Анын алкагында эки катмар асфальт төшөлүп, ирригациялык система жаңыланып, жаңы тротуарлар курулат.

Шаар бийлиги тургундарды убактылуу жаралган ыңгайсыздыктарга түшүнүү менен мамиле кылууга чакырып, каттамдарын алдын ала пландап алууну сунуштайт.

Автор: Айзада Кыдырмышева