Министр Кулубаев менен Лихтенштейндин ТИМ башчысы телефондо сүйлөштү

Тышкы иштер министри Жээнбек Кулубаев менен Лихтенштейндин вице-премьер-министри, тышкы иштер, айлана-чөйрө жана маданият министри Сабине Монауни телефон аркылуу сүйлөштү.

Тараптар анда эки өлкө ортосундагы кызматташтыктын келечектүү багыттарын, анын ичинде саясий диалогду өнүктүрүү жана соода-экономикалык байланыштарды кеңейтүү маселелерин талкуулашты.

Министр Кулубаев тоолорду туруктуу өнүктүрүүгө өзгөчө көңүл буруп, Лихтенштейн делегациясын 2027-жылдын октябрында өтө турган “Бишкек+25” Экинчи глобалдык тоо саммитине жогорку деңгээлде катышууга, ошондой эле 2026-жылдын апрелинде Бишкекте өтө турган Дүйнөлүк тоо жаштары фестивалына чакырды.

Сүйлөшүүнүн жыйынтыгында министрлер эки тараптуу жана көп тараптуу форматтарда өнөктөштүктү кеңейтүү боюнча ишти улантууну макулдашты.

Автор: Айжанар Рыспек кызы
Фото: ТИМ