Ошто аэропортко алып баруучу көчө кеңейтиле баштады (видео)

Ошто аэропортко алып баруучу альтернативдүү жолдордун биринин курулушу башталды. Бул тууралуу мэрия билдирип, шаар башчысы Жанар Акаев тиешелүү кызматтардын жетекчилери менен ишке старт бергенин кошумчалады.

Маалым болгондой, мэр аталган жол шаар үчүн эң маанилүү жана артыкчылыктуу жолдордун бири экенин баса белгиледи.

"Долбоорго ылайык, Ош көчөсү Раимбеков көчөсүнөн Касымбеков көчөсүнө чейин төрт тилкелүү болуп кеңейтилет. Көчөнүн жалпы узундугу 3 чакырымды түзүп, 24 метрге чейин кеңейтилет. Эки тарабында жөө жүргүнчүлөр үчүн тротуарлар жана жашыл аймактар каралган",- деп белгиленет маалыматта.