Чүйдө "Экстремист" аталышындагы иш-чаралар жүргүзүлдү (видео)

Чүй облусунун аймагында "Экстремист" аталышындагы ыкчам-издөө жана алдын алуу иш-чаралар жүргүзүлдү. Бул тууралуу облустук милициядан билдиришти.

Маалыматка ылайык, түшүндүрүү иштеринин жүршүндө экстремисттик идеологияны жайылтып жүргөн Панфилов районунун 1974-жылы туулган Ж.М. аттуу тургуну, мурдагы иштеринен баш тарткан.

Мындан тышкары, Сокулук районундагы тиешелүү документтери жок иш алып барган медресе аныкталды. Имаратта болгон бардык жарандар тиешелүү тергөө иш-чараларын жүргүзүү үчүн милицияга жеткирилди.

Алынган материалдар боюнча соттук-лингвистикалык экспертизалар дайындалды.

Бул факт боюнча текшерүү улантылууда.