Ысык-Көл: Жол курууда колдонулган битумдун сапаты текшерилди

Курулуш министрлигине караштуу Курулушта сертификаттоонун республикалык борборунун Ысык-Көл регионалдык башкармалыгы Чолпон-Ата шаарындагы автоунаа жолдорун курууда колдонулуп жаткан битумдун сапатына көчмө текшерүү жүргүздү. Бул тууралуу аталган министрликтен билдиришти.

Текшерүүнүн жүрүшүндө адистер:

• техникалык жана коштоочу документтерди изилдеди,

• материалдардын белгиленген талаптарга шайкештигин баалады,

• үлгүлөрдү алып лабораториялык сыноолорго жөнөттү.

Лабораториялык жыйынтыктардан соң продукциянын колдонууга ылайыктыгы боюнча акыркы чечим кабыл алынат. Сапатты көзөмөлдөө курулуш ченемдерин сактоонун негизги шарты болуп эсептелет.

Автор: Айзада Кыдырмышева