Чүйдө 30 миллион сомдук жер тилкеси мамлекетке кайтарылды

Чүй облусунун Чүй районундагы 30 миллион сомдук жер тилкеси мамлекетке кайтарылды. Бул тууралуу 31-мартта Башкы прокуратурадан билдиришти.

Маалыматка ылайык, 2007-жылы Биримдик айыл аймагында жайгашкан, спорттук курулуштар үчүн арналган 2,2 гектар жер тилкеси жер мыйзамдарын одоно бузуу менен жеке жактарга берилип кеткендиги аныкталган.

Текшерүүнүн жыйынтыгында баасы 30,4 миллион сомду түзгөн 2,2 гектар жер тилкеси мамлекетке кайтарылды.

Белгилей кетсек, социалдык жана маданий багыттагы кыймылсыз мүлктөр белгиленген максаттуу багыты боюнча пайдаланылышы зарыл.

Автор: Меерим Кабылова
Фото: Башкы прокуратура