
Бүгүн, 1-апрелден тарта борбор калаада ысык суу убактылуу өчүрүлөт. Бул тууралуу мэрия маалымдады.
Маалыматка ылайык, ысык суу 10-майга чейин берилбейт. Бул аралыкта шаар боюнча жылуулук тармагында профилактикалык жана оңдоо иштери жүргүзүлөт.
Адистердин айтымында, мындай иштер жыл сайын өткөрүлүп, алдыдагы жылытуу сезонуна даярдык көрүү максатын көздөйт. Шаар тургундарына убактылуу ыңгайсыздыктар үчүн түшүнүү менен мамиле кылуу сунушталды.