Бир күндө өлкө боюнча 15 миңден ашуун бала 1-класска катталды. Бул тууралуу Агартуу министрлиги кабарлады.
Маалыматка ылайык, кечээ, 1-апрелде балдарды мектепке электрондук каттоо башталган. Каттоонун биринчи этабы саат 10:00дө старт алып, саат 17:30га чейин 15 миң 626 бала катталууга үлгүргөн.
- Бишкек шаарында - 4 миң 478,
- Ош облусунда - 2 миң 630,
- Жалал-Абад облусунда - 2 миң 505,
- Баткен облусунда - 1 миң 641,
- Чүй облусунда - 1 миң 582,
- Ысык-Көл облусунда - 1миң 104,
- Нарын облусунда - 641,
- Талас облусунда - 535,
- Ош шаарында - 510 бала катталды.
Белгилей кетсек, быйыл 1-класска 2019-жылы жана 2020-жылы төрөлгөн балдар кабыл алынат. Каттоонун экинчи этабы 1-июнда башталары кабарланган.