Тоолуу аймактарда кар көчкү түшүүсү мүмкүн

Кыргызстандын тоолуу райондорунда 3-8-апрелге чейин күтүлүп жаткан жаан-чачынга жана абанын табынын жогорулашына байланыштуу кар көчкү түшүүсү жана кар күрткүсү күтүлөт.

Кыргызгидромет көчкү коркунучу бар аймактардын тизмесин жарыялады:

Бишкек - Ош автоунаа жолунун 121-138-чакырымдары (Төө-Ашуу ашуусу), 198-255-чакырымдары (Чычкан капчыгайы, Ала-Бел ашуусу),
Балыкчы - Казарман - Жалал-Абад унаа жолунун 326-349-чакырымдары (Көк-Арт ашуусу),
Каракол - Эңилчек автоунаа жолунун 45-90-чакырымдары (Чоң-Ашуу ашуусу).

Бул күндөрү жолдор тайгак болуп, муз тоңот. Унаалардын ортосунда 500 метр аралык кыймыл чектелиши зарыл.

Автор: Айжанар Рыспек кызы
Фото: интернеттен алынды