Трамп: “АКШ соккуларынан Иранга олуттуу зыян келиши мүмкүн”

АКШнын президенти Дональд Трамп Иранга каршы мүмкүн болгон соккулар өлкөгө өтө оор кесепеттерди алып келерин билдирип, “Ирандан эч нерсе калбай калышы мүмкүн” деген пикирин айтты. Бул тууралуу чет элдик басылмалар жазышты.

Буга чейин маалымат каражаттары АКШ жана Израил биргелешип Ирандагы ири инфраструктуралык объектке сокку урганын жазышкан. Анын ичинде Тегеран менен Кередж шаарларын туташтыра турган B1 көпүрө долбоору да бар экени айтылууда.

Бул көпүрө Жакынкы Чыгыштагы эң ири долбоорлордун бири болору күтүлгөн. Аймактагы чыңалуу акыркы убакта күчөп, тараптар бири-бирине жооп чараларын көрүп жатышат.

Автор: Айзада Кыдырмышева