Кыргызстандын атынан Иранга 66 тонна азык-түлүк, 63 тонна дары-дармек камтылган гуманитардык жардам жеткирилди. Бул тууралуу Тышкы иштер министрлиги билдирип, жардам президент Садыр Жапаровдун тапшырмасы менен ишке ашканын белгилешти.
ӨКМдин берген маалыматына ылайык, салмагы 129 тоннаны түзгөн гуманитардык жардамдын ичинде ун, эт консервалары, өсүмдүк майы жана керектүү дары-дармек каражаттары жүктөлгөн.
Аталган жүк Кыргызстандын Ирандагы элчиси Акылбек Кылычевдин катышуусунда жеткирилип, Иран тарапка тапшырылды.