Иран Трамптын "Таш дооруна жеткиребиз" деген сөзүнө жооп кылды

Иран бийлиги АКШнын президенти Дональд Трамптын "Иранды эки-үч жуманын ичинде таш дооруна кайтарабыз" деген сөзүнө жооп кылды. Бул тууралуу Иран бийлигинин өкүлү Мажид Мусави Х социалдык тармагындагы баракчасына жазган.

"Иранды таш дооруна эмес, өз аскерлериңерди мүрзөгө алып бара жатасыңар. Голливуддук жаңылыш ойлор силердин аң-сезимиңерди ушунчалык уулантып койгондуктан, болгону 250 жылдык тарыхыңар менен 6 миң жылдан ашык тарыхы бар цивилизацияга коркутуу кылып жатасыңар",- деп жазган Мусави.

Белгилей кетсек, буга чейин Трамп Ак үйдө маек берип жатып, Иранга каршы соккуларды күчөтөрүн жана "Иранды таш дооруна кайтарууну көздөп жатканын" билдирген болчу.

Автор: Бурул Турусбекова