Ош мэриясында коррупциянын алдын алуу боюнча жыйын өттү

Ош шаарынын мэриясында мамлекеттик жана муниципалдык мекемелердин, аймактык башкармалыктардын, медицина жана билим берүү тармактарынын, ошондой эле жогорку окуу жайлардын жетекчилеринин катышуусунда коррупциянын алдын алуу боюнча жыйын өттү.

Шаардык мэриядан билдиришкендей, жыйында мэриянын коррупциянын алдын алуу маселелери боюнча ыйгарым укуктуу өкүлү Таир Жоробеков өлкөдөгү коррупцияга каршы мамлекеттик саясаттын ишке ашырылышы тууралуу маалымат берип, 2025-2030-жылдарга карата стратегия жана 2026-2027-жылдарга арналган маалыматтык саясаттын талаптарына токтолду.

Мындан тышкары жыйында коррупциялык тобокелчиликтерди алдын алуу, ачык-айкындуулукту камсыз кылуу, жарандардын кайрылууларын өз убагында жана адилет кароо, кызмат көрсөтүүлөрдө мыйзамдуулукту сактоо маселелери белгиленип, көзөмөлдү күчөтүү зарылдыгы эскертилди.

Автор: Айзада Кыдырмышева