Бишкекте энергия булактары боюнча изилдөө борбору ачылды

Кыргыз мамлекеттик техникалык университетинин базасында Энергиянын калыптанма булактары боюнча изилдөө жана тренинг борбору ачылды. Бул тууралуу Илим, жогорку билим жана инновациялар министрлиги билдирди.

Маалымдалгандай, бул демилге Швейцариянын Женева шаарында жайгашкан Bulan Institute for Peace Innovations (Булан институту) менен Кыргыз мамлекеттик техникалык университети тарабынан биргеликте ишке ашырылган. Демилге жашыл энергетиканы өнүктүрүүгө жана бул багытта адистерди даярдоого багытталган маанилүү кадам болуп саналат.

Борбордун ачылышы өлкөнүн энергетика тармагын өнүктүрүүгө, экологиялык жактан таза технологияларды илгерилетүүгө жана атаандаштыкка жөндөмдүү адистерди даярдоого олуттуу салым кошот.

Автор: Кылымбек Бейшеев