16 жыл... Бүгүн Элдик революция күнү

Мындан 16 жыл мурун тагыраагы, 2010-жылдын 7-апрель күнү бийликке нааразы болгон эл көтөрүлүшкө чыккан. Мунун соңу ал кездеги бийликтин башында турган Курманбек Бакиевдин авторитардык режиминин кулашына алып келген.

Бул күнү 80ден ашык жаран окко учуп, миңден ашык адам ар түрдүү оор жаракаттарды алган. Ал эми жалпы апрель окуяларында каза болгондордун саны 123кө жеткен.

Кийинки жылы, 2011-жылдын 17-ноябрында Жогорку Кеңештин депутаттары кезектеги жыйында "7-Апрель – Элдик Апрель революциясы күнү жөнүндө" мыйзам долбоорун бир добуштан кабыл алышкан.

7-апрелге карата жылнаама.

Автор: Бурул Турусбекова