Касымалиев Стэнфорд университетине өткөн Амиртай Бексултановго белек берди

Өкмөт башчы Адылбек Касымалиев АКШдагы Стэнфорд университетине толук гранттык негизде окууга өткөн Амиртай Бексултанов менен жолугушту. Бул тууралуу Министрлер кабинетинин басма сөз кызматы билдирди.

Маалыматка ылайык, жолугушууда өкмөт башчы Бексултановду дүйнөдөгү эң абройлуу университеттердин бирине ийгиликтүү тапшыргандыгы менен куттуктап, белек тапшырган.

"Бул Амиртайдын ата-энеси үчүн гана эмес, өлкө үчүн да сыймык. Мындай мисалдар окуучуларыбызды билимге умтулууга жана максаттарына жетүүгө шыктандырат деп эсептейм",- деген Касымалиев.

Ошондой эле министрлер кабинетинин төрагасы жаштардын интеллектуалдык потенциалын колдоо мамлекеттик саясаттын артыкчылыктуу багыттарынын бири экенин кошумчалаган.

Автор: Бурул Турусбекова