Жер мунапысы: Комиссия иши үзгүлтүксүз уланууда

Бишкек шаарында жер мунапысына байланышкан иштер активдүү жүрүп жатат. Бул тууралуу мэриядан билдиришти.

Маалыматка ылайык, шаардык мэриянын жеке турак жай курулуш жана шаар куруу департаменти райондук администрациялар жана башка тиешелүү органдар менен биргеликте жер мунапысына кирген объектилерди кароону улантууда.

Комиссиянын акыркы жыйынында жалпысынан 37 материал каралып, алардын ар бири боюнча тиешелүү чечимдер кабыл алынды.

Белгилей кетсек, бул багыттагы иштер мындан ары да улантылып, жарандардын турак жай маселелерин мыйзамдаштыруу боюнча чаралар көрүлөт.

Автор: Айзада Кыдырмышева