Бишкекте инвестиция тартуу маселеси талкууланды

Равшанбек Сабиров 6-апрелде “Бин Заед Интернэшнл” компаниясынын өкүлдөрү менен жолугушуу өткөрдү. Бул тууралуу инвестициялар боюнча улуттук агенттиктен билдиришти.

Маалыматка ылайык, жолугушуунун жүрүшүндө тараптар мындан аркы кызматташуунун келечегин талкуулашты. Компания өкүлдөрүнө Кыргызстандын инвестициялык климаты тууралуу кеңири маалымат берилди.

Анын ичинде өлкөдө бизнес жүргүзүүнүн учурдагы шарттары, мамлекеттик колдоо чаралары жана инвестиция салуу үчүн артыкчылыктуу багыттар тааныштырылды.

Автор: Айзада Кыдырмышева