Казакстандан импорттолгон 22 тонна картошка артка кайтарылды (видео)

Казакстандан импорттолгон 22 тонна картошка артка кайтарылды. Бул тууралуу 8-апрелде Айыл чарба министрлигинен билдиришти.

Маалыматка ылайык, “Ак-Тилек автожолу” фитосанитардык текшерүү постунда Казакстандан импорттолгон 22 тонна картошканы фитосанитардык көзөмөлдөө учурунда анын таңгагында маркировка жок экендиги аныкталган.

Белгилей кетсек, Евразия экономикалык комиссиясынын чечимине ылайык, карантинге алынган продукциянын ар бир таңгагында продукциянын аталышы, чыгарылган өлкө, экспорттоочу өлкө жана (же) реэкспортёр өлкө жөнүндө маалыматтарды камтыган маркировкасы болушу керек.