Үч айда айып бузуулардан бюджетке 70 миллион сом түштү

Үч айдын ичинде айып бузуулардан бюджетке 70 миллион сомго жакын каражат түштү. Бул тууралуу 8-апрелде Транспорт министрлигинен билдиришти.

Маалыматка ылайык, 3 айда транспорттук көзөмөл пункттарында, станциялык курулмаларда жүргүнчү жана жүк ташуучу 189 396 автоунаа текшерилди. Жыйынтыгында:

Транспорттук мыйзамдардын талаптарын бузуу фактылары боюнча 2609 протокол түзүлүп, 3 миллион 562 миң 500 сом айып пул;
Чектелген салмак-габариттик ченемдерди сактабагандыгы үчүн 998 протокол түзүлүп, 17 миллион 465 миң сом айып пул;
Эл аралык жүк ташуулардын тартибин сактабагандыгы үчүн 143 протокол түзүлүп, 2 миллион 860 миң сом айып пул салынган.
Салмак-габариттик өлчөмдөрдү ченөөдөн түшкөн жыйым 2 миллион 557 миң 635 сом;
Бөлүнгүс ири көлөмдүү жана оор жүктөрдү ташууга атайын уруксат берүүдөн 36 миллион 791 миң 392 сом;
Көп жолу колдонулуучу атайын уруксатты берүүдөн 1 миллион 114 миң 281 сом жыйым чогулду.

Жалпы транспорт көзөмөл жүргүзүүнүн жыйынтыгында мамлекеттик бюджетке 69 миллион 313 миң 151 сом түшкөн.

Автор: Меерим Кабылова