Бишкекте туура эмес токтотулган унааларга каршы рейд өттү

Бүгүн, 8-апрелде Бишкек шаарында туура эмес токтотулган унааларды аныктоо боюнча рейд өткөрүлдү. Бул тууралуу шаардык мэриядан билдиришти.

Маалыматка ылайык, иш-чарага мэриянын райондук өкүлдөрү, Транспорт департаменти, жол кайгуул кызматкерлери, Муниципалдык инспекция жана эвакуатор кызматтары катышты.

Рейддин жыйынтыгында:

• 30дан ашык унаа эвакуацияланып, айып короого жеткирилди

• 10го жакын айдоочуга протокол түзүлдү

• Жашыл аймакка токтоткон 2 жаранга 5500 сомдон айып салынды

Мэрия мындай рейддер мындан ары да туруктуу өтөрүн билдирди. Шаар тургундарына унааларын аялдамаларда, жол жээгинде жана жашыл аймактарда калтырбоо эскертилди.

Айып пулдар:

• Туура эмес токтотуу — 1000 сом

• Жеринде протокол — 300 сом

• Эвакуатор кызматы — 1600 сом

• Жашыл аймак — 5500 сом

Автор: Айзада Кыдырмышева