Чүй милициясы аба ырайына байланыштуу эскертүү берди

9-14-апрелде тоолуу аймактарда жана Бишкек–Ош унаа жолунун 121–138-чакырымында (Төө-Ашуу ашуусу) күтүлүп жаткан жаан-чачын жана температуранын өзгөрүшүнө байланыштуу кар көчкү, кар күрткүсү жана тайгак жолдор күтүлүүдө.

Чүй ОИИББинин басма сөз кызматы айдоочуларды сак болууга чакырат:

• Белгиленген ылдамдык режимин сактоо жана унаалардын ортосунда 500 метр аралыкты кармоо.

• Кескин манёврлардан, ашыкча тормоз басуудан жана ашып өтүүдөн алыс болуу.

• Унаанын техникалык абалын, тормоз системасын, жарык берүүчү шаймандарды жана айнек тазалагычтарды текшерүү.

• Аба ырайы турукташканга чейин алыс сапарларга жана тоолуу аймактарга чыгууда убактылуу кармана туруу.

Жөө жүргүнчүлөргө жолдон өтүүдө этият болуу, жол эрежелерин сактоо жана караңгыда жарык кайтаруучу элементтерди колдонуу сунушталат.

Автор: Айзада Кыдырмышева