Дем алышта Түштүк магистралдын бир тарабы убактылуу жабылат

Бишкекте 12-апрелде "Жаз деми" марафону өткөрүлөт. Иш-чарага 25тен ашык өлкөдөн 4500гө жакын адам катышып, 5, 10, 21,1 чакырым аралыктарга чуркашат.

Чуркоо маршруту "Газпром-балдарга" дене тарбия - ден соолукту чыңдоо комплексинин аймагында, төмөнкү көчөлөр аркылуу өтөт:

Жайыл Баатыр көчөсүндө Алыкулов көчөсүнөн Садырбаев көчөсүнө чейин;
Масалиев көчөсүндө Садырбаев көчөсүнөн Бакаев көчөсүнө чейин.

Ушуга байланыштуу Жайыл Баатыр жана Масалиев көчөлөрүнүн Алыкулов көчөсүнөн Бакаев көчөсүнө чейинки түштүк тарабы саат 05:00дөн 13:00гө чейин жабык болот.

Автор: Айжанар Рыспек кызы
Фото: Бишкек мэриясы