Кыргыз-казак бир тууган... Азия чемпиондугундагы таасирдүү учурдун видеосу тарады

Азия чемпиондугунда күмүш медаль уткан Айпери Медет кызы катышкан сыйлоо аземи коомчулуктун көңүлүн бурду. Анда коло медаль алган казак спортчусу Гүлмарал Еркебаева Айпериге өзгөчө колдоо көрсөтүп, жанында эриш-аркак турганы тартылган видео социалдык тармактарда кеңири тарады.

Коомчулук бул көрүнүштү кыргыз-казак элдеринин бир туугандык мамилесинин айкын мисалы катары баалап, спорттогу достук жана өз ара урмат-сыйдын символу катары жылуу кабыл алышууда.

Эскерте кетсек, күрөш боюнча Азия чемпиондугу Бишкектеги "Жаштык аренада" орун алууда. Кыргызстандан жалпы 29 балбан катышууда.