Бишкек мэри кыргызстандык космонавтка белек берди

Бишкек шаарынын мэри Айбек Жунушалиев Кыргыз мамлекетинин баатыры, учкуч-космонавт Салижан Шарипов менен жолукту. Бул туралуу калаа бийлиги кабарлады.

Маалымдалгандай, шаар башчысы космонавттын жетишкен ийгиликтери менен өзгөчө сыймыктанарын белгилеген.

"Биз сиздей инсандар менен сыймыктанабыз. Сиздер өсүп келе жаткан муун үчүн үлгү болосуздар. Бишкек - ар бир адам өз мүмкүнчүлүгүн ачып, бийик жетишкендиктерге жете ала турган мүмкүнчүлүктөрдүн шаары",- деп белгиледи мэр.

Ошондой эле Жунушалиев Салижан Шариповго Бишкек шаарынын мэриясынын баалуу кол саатын тапшырган.