Токмоктогу зоопарктан арстан качып кеттиби? Милициянын маалыматы (видео)

Токмокто зоопарктан арстан качып кеткендиги тууралуу маалымат чындыкка дал келбейт. Бул тууралуу Чүй облустук милициясы билдирди.

Маалым болгондой, кечээ, шаардык ички иштер бөлүмүнүн коомдук коопсуздук кызматынын кызматкерлери тарабынан аталган зоопарктын администрациясына жарандардын коопсуздугун камсыз кылуу жана жаныбарларды кармоо шарттарын талаптарга ылайык сактоо боюнча түшүндүрүү иштери жүргүзүлдү.

Буга чейин социалдык тармактарда аталган зоопарктан арстан качып кеткендиги, ошондой эле жаныбарлар түнкүсүн катуу үн чыгарып, тургундардын тынчтыгын бузуп жатканы тууралуу маалыматтар тараган.